काठमाडौँ । नेपाल राष्ट्रिय तामाङ घेदुङको बुढानिलकण्ठस्थित चप्पलि हाइटमा निर्माणाधिन तामाङ भवनलाई ललितपुर निवासी निर्माण व्यवसायी सानु तामाङले भवन निर्माणमा आवश्यक सहयोग गर्ने प्रतिबद्धता जनाएका छन्।
नेपाल तामाङ डाजङको केन्द्रीय सदस्यबाट सुरु गरिएको संगठानिक जिवनलाई नेपाल तामाङ युवा घेदुङका ललितपुर जिल्ला अध्यक्षसम्म समालेका तामाङ मध्यम अञ्चल युवा घेदुङ्का संयोजकमा रहेर युवाहरुको नेतृत्व गरिएको थियो ।
सानै देखि बिद्रोही स्वभावका तामाङले जिवनमा थुप्रै संघर्षका डोबहरु पार गर्दै यो अवस्थामा आईपुगेको बताउनुभयो।सामाजिक संस्थाको युवा सङगठनमा रहेर काम गर्दै गरेका तामाङ एकासी राजनीति तिर होमिए नेपाली काङ्ग्रेसमा युवा दस्ता तरुण दलको जिल्ला सदस्यमा संगठित भएर राजनीति यात्रा सुरु गरिएको थियो। तरुण दलबाट शुरु गरेको राजनीतिक यात्राकै क्रम्मा नेपाली काङ्ग्रेसको १२ औ महाधिवेशनमा सहभागी भइ आफुलाई नेपाली काङ्ग्रेसको ललितपुर जिल्ला सदस्यमा निर्वाचित भएर युवा नेताको रुपमा चिनाउदै अन्ततः नेपाली काङ्ग्रेस ललितपुर प्रदेश सभाको समानुपातिक तर्फबाट चुनावी मैदानमा उत्रिएका तामाङ हाल ललितपुर जिल्ला निर्माण व्यवासायी संघको अध्यक्षको जिम्मेवारी सम्हालिरहेका छन ।
आफ्नो जिवनमा धेरै आरोह अवरोह बेहोर्नु परे पनि तामाङ भएकोमा गर्व गर्दै आफ्नो भाषा, धर्म , संस्कार र सँस्कृतिको जगेर्नाको लागि जस्तो सुकै चुनौती वेहोर्न पनि तयार रहेको बताउँदै इतिहास तिर इंकित गर्दै तामाङ जातिलाई जसरी राज्य सत्ताले शोषण गरि पछाडि पारियो हाम्रो ऐतिहासिक धरोहरहरु सखाप गरि हाम्रो इतिहास मेटाउने काम गरे त्यो खोसिएको अधिकार फिर्ता गरि समृद्ध तामाङ समाज निर्माणमा एक भएर लाग्नु पर्ने बताउदै नेपाल राष्ट्रिय तामाङ घेदुङको नेतृत्वमा निर्माणाधिन भवनमा महासचिव प्रबिण बल संग भेट्मा आफू पनि यो अभियानमा सम्पन्न नभए सम्म सहयोग गर्ने बताउनुभयो।
