रामेछाप । रामेछाप जिल्ला सुनापति गाउँपालिकामा पछिल्लो समयमा निकै चर्चामा आएको बिषय ब्याक हो लोडरको खर्च विवरण सार्वजनिकको प्रस्ताव लाँदा नेकापा माओवादी केन्द्र सुनापति गाउँपालिका सदस्य तथा अनेरास्ववियू (क्रान्तिकारी ) बागमती प्रदेश सदस्य हिक्मत थिङलाई शिर्ष नेता देखी पार्टिबाट निष्कासन गर्ने दबाब, चेतावनी आएको छ ।
यस विषयमा थिङले सुनापतिमा भएको कामको गतिविधिहरुको जनता माझ सार्वजनिक गरौं भनी प्रस्ताव लाँदा पार्टिमा दखल पुग्ने र आफ्नो शीर्ष नेताहरूको मानहानी हुने दवाव आएको छ ।
थिङले सुनापति न्युज डटकमसँग भने, २०७३ सालको स्थानीय तहको निर्वाचन हुँदा सुनापति गाउँपालिकाका जनता निकै खुसी थिए । २० वर्षपछि भएको स्थानीय तहको निर्वाचनले गाउँमा नयाँ उत्साह ल्याउने जनतालाई लागेको थियो । त्यसबेला ‘गाउँमै सिंहदरबार’को नारा घन्किएकाले पनि जनतालाई जनप्रतिनिधि आएपछि केही होला भन्ने लागेको थियो ।त्यसबेला नेताहरूले गाउँमै सिंहदरबार आइपुग्लाझैँ भाषण समेत गर्थे।
‘गाउँ–गाउँमा सिंहदरबार होइन, सिंहचाहिँ पक्कै आएका छन्,’ उनले भने, ‘मैले पहिले देखि उठाएको विषयमा सुनापति गाउँपालिकाले समय मग्दा माग्दा महिना बित्यो आज सम्म यो विषयले न्याय पाउन सकिएन । स्थानिय सरकार आएपछि जनताले दु:ख पाउदैन भनिन्थ्यो तर चलखेल मामिलामा जनप्रतिनिधिलाई कर्मचारीले कमान्ड गरेपछि कसरी न्याय पाउन सकिन्थ्यो ? यो ब्याक हो लोडर काण्डलाई अझै पनि ढाकछोप गर्दै छ । यदि यही बिषय उठान गर्दा पार्टिले निष्कासन गर्छ भने, त्यो पनि स्वीकार हुने छ ।
